علاش ما طاحتش الشتا هاد العام مزيان؟؟

 السبب باختصار هو واحد الظاهرة مناخية تاتسمى إل نينوEl Niño
شنو هي ظاهرة إل نينو؟


هي واحد لموجة ديال السخونة اكثر من عادية.  شي مرات تاتسمى التردد الجنوبي و هي ظاهرة عالمية. و هي تتوقع فاش تاتغير لحرارة فواحد المحيط من المحيطات -  في المحيط الهادئ الاستوائي خصوصا- و تاتأثر على مناطق أخرى فلعالم. ملي تايكون بارد تايتسمى لا نينا. فبعض لمرات تقدر توسع الثاتيرات ديال لواحد و تنتج لاخر. المشكل ديال هاد إل نينو (لي سميتو تاتعني وليد صغير بالاسبانية) هو انه إقدر إجيب لبرد و الشتا مزيان لواحد لبلاصة و إجيب الجفاف و الصهض لبلاصة اخرى فلعالم. 

و هادا ديال هاد لعام تايعتابروه الخبراء ديال المناخ اقوى واحد تسجل. هادشي قالو واحد سميتو جيمس امون و هو خبير مناخ فلميريكان. قال انه هاد إل نينو ماتسجل بحالو هادي 65 عام. الاثر ديال إل نينيو2015 عبر العالم بان ف أنه تزادت تساقطات فلميريكان و البيرو و وقع الجفاف فبلايص خرى بحال لي وقع فلمغرب الى حد ما ولكن ماشي بحال غرب المحيط الهادئ، لدرجة انه سبب فحرائق فبلايص خرين بحال لي وقع فاستراليا.

شوفو هاد الصورة ديال ناسا و قارنو بين ديال هاد العام لي سميتو جيزون و ديال 1997. شوفو لون لحمر لي تايمثل الحرارة و لون البنفسجي لي تايمثل البرودة. 

http://static2.businessinsider.com/image/564cf33c112314ae008b6444-1200-651/1997vs2015-latest-still.jpg

هاد لڤيديو بلونكلي تايشرح شنو تايوقع و كيفاش تاينشأ هاد إل نينيو.  


المشكلة هي ان العلماء ديال المناخ تايقولو انه إقدر تزاد هاد الظاهرة فلمستقبل. فرأي المتواضع، هادشي لي خاص 'العلماء' دياولنا إبحتو فيه ماشي إتسناو فوقاش إقولو لنا نصليو صلاة الاستسقاء. 

باش إوصلكم الجديد ديرو جيم للصفحة: 


المراجع:




ليست هناك تعليقات:

إرسال تعليق