شكون هو الهاكر؟

المصطلح ديال الهاكر hacker تانقولوه في مجال المعلوميات لواحد الشخص لي خبير في هادشي ديال الحواسيب و الشبكات.
و لكن هاد المصطلح عندو بزاف ديال التعاريف و بعض الناس تايعتقدو أن أي واحد هاكر راه شخص تايبيراطي/ تايقرصن. خصوصا فالمعنى العامي ديال الهاكر في المغرب، ولكن المصطلح كبر من هاكا و تايجمع واحد الثقافة كبيرة تاتجمع واحد المجموعة كبيرة ديال الناس لي تايركزو على الجانب الفكري والابداعي ديال الهاك و هاد الناس فيهم مبرمجين ديال الحواسيب - تايصاوبو اللوجيسيالات و تايكتبو الاكواد لي تاتكون بلغات البرمجة بحال C و ++C و الجافا و غيرها- و فيهم مصميمين ديال الشبكات. ولكن التعريف الاساسي ديال الهاكر هو الشخص لي تايحاول ديما إلقى و يستغل الثغرات و الضعف لي إقدر إكون في النظام ديال شي حاسوب ولا فشي شبكة (انترنيت). كاين بزاف ديال الاسباب لي تاتدفع الهاكرز باش إقلبو على هاد الثغرات و النقائص، كاين لي تايقلب على الفلوس و كاين لي تايديرو كنوع من التظاهر و الاحتجاج، و لا التحدي و كاين غير لي تايديرو باس إحس براسو واعر، و كاينين شركات ديال المعلوميات لي تايخدمو الهاكرز معهم باش إقلبو على الثغرات و إصلحوها كما دار مارك زركلبرج -مول الفايس بوك- في البدية ديال الموقع ديالو باش إخدم معاه ناس عندهم مع الهاك (في الفيلم لي داروه على حياتو The Social Network 2010.  

المهم المصطلح ديال الهاكر باقي فيه واحد النقاش على المعنى الحقيقي ديالو، حيت الناس لي تايبروگراميو يعني الناس المبرمجين تايقولو أنهم هما لي خاص إتسماو بالهاكرز، و الناس لي قلنا تايلقاو الثغرات و المشاكل في البرامج خاص إتسماو الكراكرز Crackers. كاين المصطلح ديال بلاك هاتس black hats على لي تايتستعمل لتسمية الهاكرز لي تايستعملو الخبرات ديالهم باش إديرو ما يسمى بالجرائم الالكترونية و فنفس الوقت كاينين وحدين تايتسماو وايت هاتس white hats، هادو تايتسماو هاكرز أخلاقيين ولا تايتسماو محترفي الحماية و هادو تايساعدو الناس على حماية البيانات الشخصية ديالهم من القراصنة / البلاك هاتس. 

كاين مطلح أخر مهم نعرفوه لي هو هاكتيفيزم Hacktivism و لي هي مكونة من جوج كلمات بلونگلي هاك hack و أكتيفيزم  activism و هاد المصطلح عندو علاقة بالثقافة الالكترونية و لي تايوصف النشاط التوعوي لي تايديروه واحد العديد من الهاكرز الاخلاقيين فهاد المجال الالكتروني، هاد الناس تايحاولو إوعيو الناس بعدة أشياء منها حقوق الانسان و حرية التعبير و بالخصوص تاينادو بحرية الوصول إلى المعلومة  و كاينين بزاف ديال الناس لي يايناضلو في هاد المجال، أشهرهم حسب علمي هي واحد المجموعة سميتها سايفربانكس Cypherpunks و المجموعة الاخرى الاكثر شهرة ربما عند الناس باسم أنونيموس Anonymous. أنونيموس بقاو غير معروفين في حين كاين كتاب تحت إسم Cypherpunks كاتبو جوليان أسانج لي مشهوب بإطلاق الموقع ديال ويكيليكس المشهور أنه تايفضح و تاينشر المعلومات السرية بحال الاتفاقيات السرية و غيرها من سوء تدبير لي تاديرو الدول. كاين فيلم على حياتو سميتو Underground: The Julian Assange Story 2012.  كاين معاه فهاد الكروب  Jacob Appelbaum و  Andy Müller-Maguhn و Jérémie Zimmermann. الكتاب ديالهم لي بغا إقراه بلونكلي ساهل و فيه معلومات زوينين على كيفاش تحمي الحاسوب ديالك من التجسس.  لي بغا ايتيليشارجيه هاهو لينك:  http://resistir.info/livros/assange_livro.pdf 

هناك تعليق واحد: