بغيت نتعلم لونگلي ولكن...4

من بعد ما شفنا أهم الحوايج لي تاتخلي لونكلي تكون سهلة للتعلم، فهاد المقال اللخر غادي نعطي مواقع و نصائح للناس لي باغين إتعلمو لونكلي.  أول حاجة خاصني نركز عليها و راني سبقت قلتها هي أن باش تعلم أي حاجة خاص ضروري تكون عندك الرغبة.

 و ملي تانقولو خاص تكون عندك الرغبة ماشي حاجة تاطيح علينا من السماء، لا الرغبة تاتبنا، تقدر ماتكونش عندك الرغبة لانك ماعارفش الاهمية و السهولة ديال لونكلي و هادشي علاش بديت بهاد الامر هادا (لي ماقراش داكشي لي فات ادخل هنا1 أوهنا2 أوهنا3). حاجة أخرى مهمة هي أن أي حاجة تقدر تعلمها إلى بغيتيها. و الحاجة لي تعلمتيها لراسك هي لي تاتبقى ليك فراسك. و كاين لي تايگول گاع أن التعلم الداتي هو التعلم لي كاين فقط. و ما عمرك تسنا تجيك المعرفة غير هكاك من فراغ.

المهيم كما قلت من قبل أول حاجة هي القراءة، ناخد نص بلونگلي و نبدا نقرا و نترجم الكلمات و نفهم. و نكتب هاد الكلمات و نبقا نراجعها. تانتعلم من النص ماشي غير الكلمات و المعاني ديالهم، و لكن تانتعلم حتى التعابير و التركيبة ديال الجمل لي هي اساس التواصل. هنا غادي نعطيكم مواقع لي فيهم قصص قصيرة و سهلة لي تقدر إما تقراهم نيشان فالموقع ولاّ تطبعهم أحسن. غادي نرتب لكم المواقع من الاسهل إلى الاصعب. بالنسبة لي بغا اقرا قصص و إسمع لهم فنفس الوقت باش اسمع للنطق الصحيح ديال الكلمات غادي ندير لائحة خاصة.

هاد سيت فيه نصوص مكتوبة و مقروءة و فيه اسئلة على كل نص (شوف لتحت فيه اسئلة)

هادو قصص مستوى طالع شوية

هادو قصص هادو قصص على شخصيات مهمين فتاريخ ديال لميريكان مكتوبة و مقروءة و ساهلين


مهيم هاد سيت فيه بزاف كتاشفو حسن

هنا رسوم فيهم قصص و فيهوم سوتيتخاج


هادا ترجمة ديال غوغل - لشرح لكلمات

الحاجة الثانية لي تقدرو تعلمو منها بالنسبة لي مبتدئ جديد خاصو إشري هاداك الكتيب ديال 5 أيام بدون معلم لان فيها حوايج ضروري اتحفضو بحال الحروف، الايام، الاشهر، الفصول، و بعص التعابير الاولية لي خاص تحفض ضروري. غادي نعطي مواقع للمبتدئين هنا. 

هاد سيت فيه وحدات من الحروف و الارقام الايام، الاشهر، الفصول، و بعص التعابير الاولية


هادا موقع زوين تايبدا معاك من زيرو كنت تعلمت فيه شوية ديال سبليونية تاتقدر دير فيه اصدقاء إعاونوك خاصك تسجل فيه.

الحاجة الاخرى هي خاص وقتما عجباتك شي أغنية بلونگلي تقلب على الكلمات ديالها و تطبعها و تبقى تغني معاها. و تحفضها، و هاكا تاتعلم بلا مجهود. هنا موقع تقدر تلقا فيه كلمات أي أغنية و ترجمها.




 باش تجباد لكلمات ديال اي اغنية خاصك غير تكتب اسم الاغنية و كتب حداها lyrics 

ليست هناك تعليقات:

إرسال تعليق