شنو الفرق بين التاريخ و ماقبل التاريخ؟

التاريخ و ماقبل التاريخ

ماقبل التاريخ ماشي هو ماقبل الميلاد.

وقتما عندنا وثائق صامتة على واحد الشعب، اعني ماعندنا حتى حاجة مكتوبة لي نقدرو نقراو و نفهمو، مانقدروش ندرسو تاريخ ديالو هاد الشعب: اعني هاد الشعب بالنسبة لينا في مرحلة ماقبل التاريخ.

شحال هادي كان المؤرخين ماتايعرفو والو على الحضارة المصرية القديمة من غير داكشي لي كتبو اليونان و الرومان. علاش؟ لأن المؤرخين ماكانوش عارفين إقراو الوثائق المكتوبة لي خلاو الفراعنة باللغة المصرية القديمة. ولكن فلبدية ديال القرن 19 غادي اتمكن واحد العالم فرنساوي أنه إفك الشفرة ديال هاد اللغة هادي، العالم مشهور و سميتو شامبوليون.

 و من ديك الساعة تمكنو الباحثين اعرفو أكثر على تاريخ مصر القديمة، و باقي كل مرة تايكتشفو أشياء جديدة. هادشي ماتايعنيش أن الانسان المعاصر تمكن أنه افك الشفرات ديال جميع اللغات القديمة، بلعكس كاينين بزاف ديال اللغات لي مازال ماتمكناش نفكوها. كاينين لي قدام بزاف تايمشيو تال 3000 عام قبل الميلاد و كاين لي تايرجعو غير للقرن 13 و ربما 15 بعد الميلاد.

مهم كاينين بزاف نقدر نعطي غير 2 امثلة و نخلي ليكم ليان لي بغا اعرف لاخرين. كاينة واحد اللغة هيروغليفية في جزيرة كريت اليونانية مازال ماتفكاتش، لي تكتبات فعصر الحصارة المينوسية في العصر البرونزي (الصورة 1)
الصورة 1


فكريت نيت 



. كاينين امثلة كثيرة بركو   هنا


التقسيمات التاريخية

المؤرخين و العلماء ديال التاريخ ديما تايقسمو التاريخ على 4 ديال المراحل مهمة:

التاريخ القديم (بالفرنسية antiquité  و بالانجليزية ancient history ) : لي غالبا ماتتبدا من 3000 سنة قبل الميلاد حتال القرن الخامس بعد الميلاد مع انهيار/ سقوط الامبراطورية الرومانية في أوروبا الغربية.

العصور الوسطى ( moyen âge  و middle ages ) : و لي المدة ديالو ألف عام، تايبدا من القرن الخامس للميلاد حتال القرن 15 (بعد الميلاد).

العصر الحديث (les temps modernes / l’époque moderne  و modern history/ modern era/ modern period): و لي فيه أكثر من 3 ديال القرون و لي تايسالي فسنة 1789 ، اعني مع الثورة الفرنسية.

التاريخ الحديث (l'époque contemporaine ) و لي بدات من 1789 و باقا مستمرة لدابا.




ليست هناك تعليقات:

إرسال تعليق